ကျုပ်ဘဝတစေ့တစောင်း(၆၄)

နောက်ပိုင်းရက်တွေမှာ သူမနဲ့ တွေ့ရင် ကျုပ်တို့အဖွဲ့ကို ပြုံးပြတတ်နေပါပြီ။ တခါတလေ ကျုပ်နဲ့ တွေ့တဲ့အခါမှာလည်း အပြုံးလေးနဲ့ ခေါင်းကလေး ငြိမ့်လို့ နှုတ်ဆက်တတ်တာပေါ့…။ သူမကို အမြဲတမ်းလိုလို ရာမညဆောင်မှာ တွေ့ရတတ်တာကြောင့် ဥပဒေပညာဌာနကဆိုတာ သတိထားလိုက်မိပါတယ်။ ဒါပေမဲ့ ဘယ်အတန်းကလဲ…၊ ဆရာမ စစ်စစ်လား…၊ ဒါမှမဟုတ် ဆရာမ တစ်ပိုင်း ကျောင်းသူတစ်ပိုင်းလား ဆိုတာကို သဲသဲကွဲကွဲ မသိရသေးပါဘူး။ သူမရဲ့ လှိုက်လှဲ ဖေါ်ရွေတဲ့ အပြုံးမျက်နှာကို နေ့တိုင်းလိုလို မြင်တွေ့ရတာက အစပြုလို့ သူမ ဘယ်သူလဲ ဆိုတာကို သိချင်လာခဲ့ပါတော့တယ်။ တနည်းအားဖြင့် သူမရဲ့ အပြုံးတွေက ကျုပ်နှလုံးသားကို ထိုးဖောက် ဝင်ရောက် နေရာယူလာခဲ့ကြတာပေါ့…။

ကျုပ်ရဲ့ မူမမှန်တဲ့ အပြုအမူတွေကို ပထမဆုံး ရိပ်စားမိခဲ့သူတွေက ကျုပ်ရဲ့အတန်းဖော် ညီမငယ် ဆရာမတွေ ဖြစ်ကြတဲ့ ချိုချို၊ လင်းလင်း နဲ့ မလေး တို့ပေါ့…။ သူတို့ကလည်း ကျုပ်ကို တစ်ယောက်တည်း အထီးကျန်ဆန်စွာ နေ နေတာကို မြင်လိုကြဟန် မတူပါဘူး…။ ချိုချိုဆိုရင် သူ့အစ်မဝမ်းကွဲ တစ်ယောက်နဲ့ စပ်ပေးမယ်ဆိုပြီး အတင်းခေါ်လို့ ကျုပ်တို့တစ်ဖွဲ့လုံး မြောက်ဒဂုံက သူ့အစ်မရဲ့ လက်ဘက်ရည်ဆိုင်ကို လိုက်ကြည့်ရပါသေးတယ်။ တစ်ပတ်လောက်ကြာတော့ အဲဒီ သူ့အစ်မက ယောက်ျားနောက် လိုက်သွားပါလေရော…။ အဲဒီလောက်အထိ နှလုံးသားရေးရာမှာ ကံဆိုး-မိုးမှောင် ကျခဲ့သူပါ…။

ကျုပ်ရောဂါကလည်း အဖြည်းဖြည်းနဲ့ ပိုလို့ ဆိုးလာခဲ့ပါတယ်။ ဘာရယ်တော့မဟုတ်… သူမကို မြင်ချင် တွေ့ချင်တဲ့ ရောဂါ…။ သူမကို တွေ့လိုတွေ့ငြား ကျောင်းကို ခတ်စောစော လာတတ်နေပြီ။ ရာမညဆောင် အပေါ်ဝရန်တာကနေ သူမရဲ့အဖြူရောင်ကားကလေး အလာကို လည်ပင်းတမော့မော့ဖြင့် မျှော်တတ်နေပြီ…။ ကားကလေး ဝင်လာတာကို မြင်လိုက်ရရင်ဘဲ ရင်ထဲမှာ ကျေနပ် ပျော်ရွှင်လို့ နေတာပေါ့…။ အကြောင်းမရှိ အကြောင်းရှာပြီး သွားရောက် နှုတ်ဆက်ဖို့တော့ တစ်ရံတစ်ခါမှ မကြိုးစားမိခဲ့…။ ဒါပေမဲ့ သူမအကြောင်းကိုတော့ ကျုပ်တို့အဖွဲ့ ဆုံလေတိုင်း မဆီမဆိုင် ဆွဲကာ အလိုအလျောက် ပြောမိရဲ့သား ဖြစ်နေတတ်လေရဲ့…။ ဒါကြောင့်လည်း ကျုပ်အခြေအနေကို ညီမငယ်တွေက ရိပ်မိသွားခဲ့ဟန်တူပါတယ်။

ဒီလိုနဲ့ ကျုပ်ရောဂါ ကုသဖို့အရေး စောစောက ပြောခဲ့တဲ့ ညီမငယ်သုံးယောက်က “သူမ ဘယ်သူလဲ” ဆိုတာ သိဖို့အတွက် စုံစမ်းရေးခရီး ထွက်ကြပါတော့တယ်။ တကယ် အားကိုးခဲ့ရတဲ့ ညီမငယ်တွေပါ…။ တစ်ပတ်အတွင်းမှာပဲ အမည်…၊ အတန်း…၊ မွေးချင်း...၊ မျိုးရိုးစဉ်လာ…၊ နေရပ်လိပ်စာ… တို့ကို သိခွင့်ရခဲ့ပါတယ်။ သူမအကြောင်း သိခွင့် ရလာပြန်တော့ ပိုလို့တောင် ခံစားခဲ့ရပြန်ပါတယ်။ ကျုပ်တို့နှစ်ယောက် အတန်း တူတာကလွဲလို့ ကျန်တာတွေက မိုးနဲ့မြေ လို ကွာခြားလွန်းလှပါတယ်။ သိမ်ငယ်စိတ်နဲ့အတူ ဘဝကို လှုပ်ရှားရုန်းကန်ရင်း ကျောင်းတက်နေရသူ ကျုပ်လို အညတြ တစ်ယောက်က မမှီတဲ့ပန်းကို တုန်းခုလို့ လှမ်းသင့်…မလှမ်းသင့်…။ လှမ်းသင့်…မလှမ်းသင့်…။

ကျုပ်ဘဝတစေ့တစောင်း(၆၃)

M-2 ရောက်တော့ လစာပြည့်နဲ့ ခွင့် ဆက်မပေးတာကြောင့် အလုပ်မှ အပြီးပိုင် နားလိုက်ရပါတော့တယ်။ ဒါပေမဲ့ ကျောင်းပြီးလို့ အလုပ် ပြန်ဝင်မယ်ဆိုရင် အချိန်မရွေး ကြိုဆိုလျှက်ပါလို့ ဆိုပါတယ်။ ကျုပ်က အဲဒီလို ဝင်ငွေကောင်းတဲ့ အလုပ်ကို စွန့်လွှတ်ပြီး မိုက်ရူးရဲ ဆန်စွာ ပညာဆက်သင်ဖို့ ရောက်လာတဲ့အချိန်… ဂုဏ်ထူးတန်း နောက်ဆုံးနှစ် (H-3) ကို ဒုတိယတန်း ပထမအဆင့် (Second class first division) က တစ်ဦးတည်း အောင်မြင်ခဲ့သူ ရန်ကုန်သား လူတော်လေး ကိုဇော်ရှင်းက စီးပွားရေး လုပ်မယ်ဆိုပြီး ကျောင်းက ထွက်ခွာသွားခဲ့ပြန်ပါတယ်။ ကျုပ်ရင်ထဲမှာတော့ “အော်… ငါများ မှားနေပြီလား…” ဆိုတဲ့ သံသယ အတွေးတွေ တစ်လှေကြီးနဲ့ပေါ့…။ ဇော်ရှင်းဟာ တကယ်လည်း (ကျုပ်အထင်) လူတော်တစ်ယောက် ဖြစ်တာကြောင့် တစ်နှစ်ပဲ ကျန်တော့တဲ့ မဟာတန်းကို ပြီးအောင်တက်ဖို့ အကြိမ်ပေါင်းများစွာ စည်းရုံးတိုက်တွန်းခဲ့ပါသေးတယ်။ ရှိုင်းဟုတ်ကုမ္ပဏီက ရောဂါပေါင်းစုံ ပျောက်ပါတယ်ဆိုတဲ့ “လင်ဇီးဆေး” အရောင်းကိုယ်စားလှယ်တွေရဲ့ အခုပဲ သိန်းပေါင်းများစွာ ရတော့မှာလိုလို မုသားအပြောတွေကို ယုံကြည်မှု လွန်ကဲခဲ့တာကြောင့် ဟိုမရောက်-ဒီမရောက် ဖြစ်သွားခဲ့ရသူပါ။

ဒီ M-2 မှာဘဲ ကျုပ်ဘဝကို အရွယ်လွန်မှ ရင်ခုန် လှုပ်ရှားစေခဲ့တဲ့ သူမကို စတင်တွေ့ခဲ့ရပြန်ပါတယ်။ “ရင်ခုန်မိတာ အချစ်” လို့ ဆိုရင်တော့ ကျုပ် တကယ်ကို ရင်ခုန်ခဲ့ဖူးပါတယ်။ အလုပ်က မရှိတော့ ကျောင်းမှာ တစ်နေကုန် နေ…၊ အရှည်ကြီး နဲ့ ဦးချစ်ကို တစ်လှည့်စီ ထိုင်…၊ အတန်းမရှိရင် လိုက်ဘရီသွား စာဖတ်…၊ စာဖတ် ကောင်းနေတုန်း ညနေ သုံးနာရီလောက်ဆိုရင် စာဖတ်ခန်းဘေးပတ်လည် (ကျုပ်အနီး) က ပြူတင်းပေါက်တွေကို အသံပေးရင်း လာပိတ်တတ်တဲ့ စာကြည့်တိုက်က အမျိုးသမီးဝန်ထမ်းတွေကို စိတ်ထဲက မောတ္တာပို့ကာ မကျေနပ်-ကျေနပ်နဲ့ ပြန်ခဲ့ရ…။ တခါတရံ အဓိပဓိလမ်းမကြီးကို ခေါက်တုံ့ခေါက်ပြန် လမ်းလျှောက်…၊ တခါတလေတော့ သစ်ပုတ်ပင်ကြီးဆီ သွား..ကိုင်ကြည့်…၊ တခါတရံ ဘွဲ့နှင်းသဘင်ခန်းမ အနီးက ခုံတန်းလေးမှာ တစ်ယောက်တည်း ထိုင်လို့ ဟိုတွေး ဒီတွေးနဲ့ ဟိုငေး ဒီငေးပေါ့…။ တကယ်ကို ငယ်မူပြန်ကာ တက္ကသိုလ်ကျောင်းသား တစ်ယောက်ရဲ့ အရသာကို အပြည့်အဝ ခံစား စံစား ကြည့်ခဲ့ဖူးပါတယ်။

ဒီလိုနဲ့ M-2 First semester ရဲ့ တစ်နေ့မှာပေါ့…။ ကျုပ်တို့ အဖွဲ့ မနက်ပိုင်းအတန်းပြီးလို့ ထမင်းစားဖို့အရေး အရှည်ကြီး တို့ မြစန္ဒာ တို့ဆီ သွားဖို့ အောက်ထပ်ကို ဆင်းအလာ… ကျုပ်တို့ ရာမညဆောင်ရှေ့က ကွက်လပ်မှာ ရပ်ထားတဲ့ နောက်ဆုံးပေါ် ဖင်ကောက် ဗင်ကားတစ်စီးက ရွံ့နွံထဲ နစ်နေပါတော့တယ်။ အမျိုးသားတစ်ယောက်က ကားမောင်းတဲ့ထိုင်ခုံမှာ နေရာယူပြီး ကျန်တစ်ယောက်နဲ့ ခတ်တောင့်တောင့် ကောင်မလေးတစ်ယောက်က ကားကို တွန်းကာ ကြိုးစား ထုတ်ယူနေကြပေမဲ့ ကားက မူလနေရာမှ တစ်လက်မမှ မရွေ့…။ ဒီမြင်ကွင်းကို တွေ့နေရတဲ့ ကျုပ်က ကိုယ်တိုင်ကားမောင်းနေတဲ့သူဆိုတော့ ကိုယ်ချင်းစာတတ်တယ်လေ…။ “ကားကို ဝိုင်းဝန်း ကူတွန်းပေးကြစို့” လို့ ကျုပ် အဖွဲ့ကို ဆော်သြလိုက်ပြီး ကျုပ်ကိုယ်တိုင်လည်း တောသားပီပီ ပုဆိုးကို ခတ်တိုတို ပြင်ဝတ်လိုက်ပါတယ်။ ကျုပ်တို့အဖွဲ့က ဘာမပြော ညာမပြောနဲ့ ကားဆီကို တန်းသွားပြီး ညာသံပေးလို့ တွန်းပေးလိုက်တာ ၉က/..... အဖြူရောင် ကားကလေးလည်း မရဏရွှံ့နွံတွင်းမှ လွင့်ထွက်လို့ သွားခဲ့ပါတော့တယ်။

ကူညီမှုပေးခဲ့သူ ကျုပ်တို့အဖွဲ့ကို ကျေးဇူးတင်စကားတွေ အထပ်ထပ်ပြောရင်း ကျန်ရစ်ခဲ့သူ အဆိုပါ ကားပိုင်ရှင်မလေးကား ကျုပ် နှလုံးသားကို ဆွဲရမ်း လှုပ်ခါ သွားစေခဲ့သူ… သူမ ဖြစ်ခဲ့ပါတယ်ဆိုလျှင်…၊ ဖြစ်ခဲ့ပါတယ်ဆိုလျှင်…။

ကျုပ်ဘဝတစေ့တစောင်း(၆၂)

ကျုပ်တို့ M-1 first semester တက်နေစဉ်မှာပဲ တက္ကသိုလ် ဆရာ-ဆရာမတွေ အလုပ်ခန့်လိုက်တာကြောင့် ကျုပ် နဲ့ ကိုမောင်မောင်နိုင်ကလွဲရင် အားလုံး ဆရာ-ဆရာမတွေ ဖြစ်ကုန်ကြပါတော့တယ်။ ကျူရှင်ဆရာ ကိုမောင်မောင်နိုင်ကို ဘာကြောင့် ဒီဆရာအလုပ်ကို မလျှောက်ခဲ့သလဲဆိုတာကို မမေးခဲ့မိ။ ဆရာ-ဆရာမတွေ ဖြစ်ကုန်ကြပေမယ့် တာဝန်ကျရာ သက်ဆိုင်ရာတက္ကသိုလ်တွေကို Duty report လုပ်ပြီးတာနဲ့ M-1 ဆက်တက်ခွင့် ရနေကြပါတယ်။ M-1 မှာ တပ်က အရာရှိ နှစ်ယောက်ပါ လာတက်ခဲ့တာမို့ စုစုပေါင်း (၁၁ )ယောက်ရှိပေမယ့် တိုင်းရင်းဆေးဆရာ ကိုသိန်းဇော်က အိမ်ထောင်ကျကာ နှုတ်ထွက်သွားတာကြောင့် ၁၀ ယောက်ပဲ ကျန်ခဲ့ပါတော့တယ်။

M-1 Second semester ရောက်တော့ ကျောင်းမမှန်တဲ့ ကျုပ်ကို ပါမောက္ခ ဆရာမကြီးက သီးခြား ခေါ်တွေ့ကာ “Credit system နဲ့ သွားနေတဲ့ ပညာရေးစနစ် ဖြစ်တာကြောင့် Attendance ခေါ်တဲ့ ကျောင်းခေါ်ချိန်ဟာ အရေးကြီးကြောင်း…၊ အောင်-ရှုံး ကို စာမေးပွဲရမှတ်(Score)၊ ကျောင်းခေါ်ချိန်(Attendance)၊ အတန်းပါဝင်ဆွေးနွေးမှု(Class activity) တို့နဲ့ စုပေါင်းသတ်မှတ်တာကြောင့် တစ်ခုခု ချို့ယွင်းတာနဲ့ စာမေးပွဲ မအောင်နိုင်ကြောင်း…၊ ဒါကြောင့် အလုပ် နဲ့ ကျောင်း နှစ်ခုအနက် တစ်ခုခုကို ပြတ်ပြတ်သားသား ရွေးချယ်စေချင်ကြောင်း…” ပြောကြားလာပါတော့တယ်။ ကျုပ်ဘဝထဲကို မထင်မှတ်ပဲ ရုတ်တရက် ဝင်ရောက်လာတဲ့ ပညာရေးစနစ်သစ်ရဲ့ ရိုက်ခတ်မှု လှိုင်းဒဏ် လေဒဏ်ကြီးပေါ့။ ကျုပ်အတွက်တော့ မစားနိုင်-မအိပ်နိုင် နဲ့ စဉ်းစားဆုံးဖြတ်ရ ခက်တဲ့ အချိန်ကာလတွေပါ။

ဒီအချိန်မှာ ကျုပ်တို့ မိသားစုအရေး ပြန်ကြည့်တဲ့အခါ… မိဘနှစ်ပါးအတွက်တော့ နေရေး-ထိုင်ရေး၊ စားရေး-သောက်ရေး အဆင်ပြေအောင် ဖန်တီးပေးခဲ့ပြီးလေပြီ…။ ညီတော်မောင်တွေလည်း အလုပ်ကိုယ်စီနဲ့ ဖြစ်နေကြပြီ…။ အငယ်ဆုံးညီမလေး နှစ်ယောက်မှာလည်း အကြီးမက ၁၀ တန်း အောင်ပြီးစ ဖြစ်နေလေပြီ…။ အငယ်မ တစ်ယောက်ရဲ့ တာဝန်သာ လုံးလုံးလျားလျား ကျန်ရှိနေပါတော့တယ်။ စာဖတ်တာကို အင်မတန် ဝါသနာပါတဲ့ ကျုပ်က ပညာရေးကို ကျောခိုင်းမသွားချင်တာကြောင့် စိတ်တူကိုယ်တူ နဲ့ မိသားစုစိတ်ဓါတ်ရှိတဲ့ ကျုပ်ညီကို ဖွင့်ဟတိုင်ပင်ရပါတော့တယ်။ ညီတော်မောင်ကို “ကျုပ်ရဲ့လက်ရှိအခြေအနေ အခက်အခဲကို ရှင်းပြလိုက်ပြီး ညီမလေးနှစ်ယောက်ရဲ့စားဝတ်နေရေး ကုန်ကျစရိတ် အားလုံးကို သူက တာဝန်ယူမယ် ဆိုရင်… ကျုပ်က အလုပ်က နားပြီး မဟာဘွဲ့လေး ရသည်အထိ ကျောင်းဆက်တက်မယ်” လို့ ပြောလိုက်ပါတယ်။ သူကလည်း အချိန်မဆိုင်းပဲ “ ဆက်တက်ပါ… အားလုံးကို သူ တာဝန်ယူပါ့မယ်” လို့ ဆိုပါတယ်။ တကယ်ကို ကျေးဇူးတင်ပါတယ် ညီတော်မောင်ရယ်…။

အဲဒီလို မိသားစုအရေး ညီတော်မောင်နဲ့ ညှိနှိုင်း သဘောတူညီမှု ရရှိပြီးတဲ့နောက်မှာ ရုံးက GM ကို ဝင်တွေ့ပြီး ကျောင်းတက်ဖို့အရေး အလုပ်မှ နှုတ်ထွက်ခွင့် ပြုပါရန် ထွက်စာတင်လိုက်ပါတော့တယ်။ GM ဦးတင်ဦးကတော့ “ မင်း ရူးနေသလား…၊ သေခြာစဉ်းစားစမ်းပါဦး…၊ မင်း မဟာဘွဲ့ရတော့ ဘာဖြစ်မှာတုန်း… ကျောင်းဆရာပေါ့…၊ ငါ့သမီးလည်း မင်းတို့ ရန်ကုန်တက္ကသိုလ် မြန်မာစာဌာနက ဆရာမ ပါကွာ… ရတဲ့လစာ ၁၂၅၀ိ/ က သူ့မိတ်ကပ်ဖိုးတောင် မရှိပါဘူး… အကုန်လုံး အိမ်ကပေးနေရတာပါ…၊ ဒီမှာ အားလုံးအဆင်ပြေနေတာကို ဘာဖြစ်လို့ ထွက်မှာလဲ… စဉ်းစားပါဦး…” လို့ ဂရုဏာ ဒေါသောနဲ့ ပြောပါတော့တယ်။ နောက်ဆုံး ကျုပ်ကို ဘယ်လိုမှ ပြောလို့မရတာကြောင့်“ ကဲ… ထွက်စာနဲ့အတူ ခွင့်စာပါ တွဲတင်…၊ လစာအပြည့်နဲ့ ခွင့်လေးလ ပေးလိုက်မယ်…၊ ဒီကြားထဲမှာ ကျောင်းတက်ရင်း သေခြာ ပြန်စဉ်စားပါ” ဟု ဆိုကာ ခွင့်ပြုလိုက်ပါတော့တယ်။

ဒီလို စွန့်လွှတ်-စွန့်စားမှုတွေနဲ့ပဲ အစဉ်အလာ ကြီးမားတဲ့ အထင်ကရ ရန်ကုန်တက္ကသိုလ်ကြီးမှာ အချိန်ပြည့် ပညာသင်ကြားခွင့် ရရှိလာခဲ့တဲ့ စိတ်ပညာအထူးပြု မဟာဝိဇ္ဇာကျောင်းသားကြီးတစ်ယောက် ဖြစ်လို့လာခဲ့ပါတော့တယ်ခင်ဗျာ...။

ကျုပ်ဘဝတစေ့တစောင်း(၆၁)

ရန်ကုန် ပြန်ရောက်ပြီး တစ်လလောက်ကြာတော့ မဟာတန်းတွေ ဖွင့်တာကြောင့် ကျောင်းအပ်လိုက်ပါတယ်။ မဟာဝိဇ္ဇာကျောင်းသားကြီး ဖြစ်ပြီပေါ့ဗျာ…။ အတန်းကိုတော့ အရင်နှစ်တွေကလိုပဲ ပြေးလိုက်-တက်လိုက်…၊ ပျောက်လိုက်-ရောက်လိုက်ပေါ့…။ တစ်နေ့မှာတော့ ကျုပ်တို့ M-1 မှာ သင်နေတဲ့ ဆရာ ဦးခင်မောင်လတ်က အာရှ သုံးနိုင်ငံ နှစ်ပတ် လေ့လာရေးခရီး ပါသွားတာကြောင့် ဆရာ့အတန်းကို ပါမောက္ခ ဆရာမကြီး ဒေါ်ခင်အေးဝင်းက ကိုယ်စားဝင်သင်ပါတယ်။ ဆရာမကြီးက “ကဲ… ကိုမိုးစံ ကိုခင်မောင်လတ်က သူမသွားခင် ကိုမိုးစံက ကျောင်းလည်း မလာဘူး…၊ ခိုင်းတာလည်း မလုပ်ဘူး…” လို့ ကျမကို တိုင်သွားပါတယ် လို့ ဆိုပါတယ်။ ပြီးတာနဲ့ “ဒီနှစ်က စပြီး Semester စနစ်နဲ့ Credit system ကို ကျင့်သုံးမှာ ဖြစ်တဲ့အတွက် ကျောင်းပျက်လို့ မရတဲ့အကြောင်း အမှာစကားတွေ ခြွေရင်း… ကျုပ်ကို တစ်ပတ်အတွင်း ရေးတင်ဖို့ Assignment ခေါင်းစဉ် တစ်ခုပေးပါတော့တယ်။ Aptitude Battery ထင်တာပါဘဲ…။

ကျုပ်လည်း ဆရာမကြီး ပေးလိုက်တဲ့ Assignment ကို သဲကြီးမဲကြီး ပြင်ဆင်ပြီး အချိန်မှီ တင်ပေးနိုင်ခဲ့ပါတယ်။ ဆရာမကြီးက သူ သင်ခွင့်ရရှိခဲ့တဲ့ နှစ်ပတ်အတွင်းမှာ သူ သင်ခဲ့တဲ့ “Conformity and Compliance” အခန်းကို Tutorial စစ်ပေးခဲ့ပါသေးတယ်။ အဲဒီ Tutorial စစ်တဲ့နေ့က အခန်းစောင့် တာဝန်ယူခဲ့သူက ဆရာ ဦးတင်မောင်လှ (ယခု ဒုချုပ်-ပြည်) ဖြစ်ပါတယ်။ ကျုပ်က ၁၅ မီးနစ်လောက်သာ ဖြေခဲ့တဲ့ Asch’ Experiment ကို ကျန်တဲ့သူတွေ အားလုံးက အချိန်ပြည့် ၄၅ မီးနစ်တောင် ဖြေဆိုခဲ့ကြတာမို့ ကိုယ်များ မေးခွန်း ဖတ်တာ မှားခဲ့သလားလို့တောင် သံသယ ဝင်ခဲ့မိပါသေးတယ်။ မေးခွန်း နားလည်မှု လွဲသွားတာနဲ့ အဖြေကလည်း လွဲတော့… အမေးတခြား အဖြေတခြား ဖြစ်နိုင်တာပေါ့။ ကျုပ် နားလည်တာ မမှားခဲ့ပေမဲ့ အများနဲ့တစ်ယောက်ဆိုတော့ သို့လော သို့လော ဖြစ်ခဲ့မိတာ အမှန်ပါ။

နောက်နေ့ အတန်းမှာတော့ ဆရာမကြီးက Tutorial answer paper တွေ ပြန်ပေးရင်း “ ကိုမိုးစံ ဖြေတာ သိပ်ကောင်းတာပဲ… ဘာမေးတယ်ဆိုတာကို ကောင်းကောင်းနားလည်တယ်” လို့ ဆိုလိုက်တာကြောင့် ကျုပ်ရဲ့ အဖြေလွှာကို ဝိုင်းဝန်းလို့ ကြည့်ကြပါတော့တယ်။ ၁၀ မှတ်ပေးတဲ့ မေးခွန်းမှာ သဲကြီးမဲကြီး ဖြေခဲ့ကြတဲ့ သူတွေက ၅ မှတ် မကျော်တဲ့ အချိန်မှာ အလွယ်တကူဖြေခဲ့တဲ့ ကျုပ်က ၈ မှတ် ခွဲ တောင် ရခဲ့တာပါ။ စာရတာချင်းအတူတူ မေးခွန်းကို သေချာနားလည်ပြီး မေးထားတာနဲ့ကိုက်ညီအောင် ဖြေဆိုတတ်သူက တပန်းသာတာပဲလို့ ထင်မိပါတယ်။ စာကို တော်အောင်ကြိုးစားကြသလို စာမေးပွဲ ဖြေဆိုတတ်ဖို့ကလည်း အရေးကြီးလှပါတယ်။ ဆရာမကြီးကပဲ “ကိုမိုးစံ စာလုပ်တဲ့အကြောင်း ကိုခင်မောင်လတ်ကို ဒို့ ပြောလိုက်မယ်”လို့ ဆိုတာကြောင့် ကြိတ်မှိတ် ဝမ်းသာပီတိ ဖြစ်ခဲ့ရသူက ကျုပ်ကလွဲရင်… ကျုပ်က လွဲရင်…။

ကျုပ်ဘဝတစေ့တစောင်း(၆၀)

အိမ်လေးကို ပြန်ဆောက်ဖို့ ကိုသန်းဝင်းတို့ လက်သမားအဖွဲ့ကို ပုံအပ်လိုက်ပေမဲ့ မြန်မြန်ပြီးချင်တာကြောင့် ကိုယ်တိုင် ဝင်လုပ်ရပါတော့တယ်။ အိမ်ပြီးပြန်တော့ ခြမစားရလေအောင် ရေနံဂျီး သုတ်ရပြန်ပါတယ်။ ပြီးတာနဲ့ တန်းလျား-စားပွဲ တစ်စုံနဲ့ နှစ်ယောက်အိပ်ကုတင် အသစ်တစ်လုံး၊ မိသားစု တစ်စုစာ ပုဂံခွက်ယောက်… စသဖြင့် အကုန် အသစ်ပြန်လည် ထူထောင်ရပါတယ်။ ကျန်ရှိနေတဲ့ အိမ်နောက်ဖေး မြေကွက်လပ်ကျယ်ကြီးကိုလည်း ကျုပ်သူငယ်ချင်း အောင်ဆင်နဲ့ နှစ်ယောက် မြောင်းတွေ သေခြာ ဖေါ်ပြီး ခရမ်းပင်တွေ စိုက်ပြပါတယ်။ ကိုယ်စိုက်ထားတဲ့ အပင်လေးတွေကို နေ့စဉ် ရေလောင်း ပေါင်းသင်ရင်း အဖေ့ကို အသောက်လျှော့စေချင်တဲ့ ဆန္ဒနဲ့ပါ။

ဒီတစ်ခါ စားစရာမရှိရင် အိမ်ဝိုင်းကို ရောင်းမစားဖို့တော့ အသေအခြာ မှာရတာပေါ့ဗျာ…။ ပိုက်ဆံလိုရင် လှမ်းမှာဖို့နဲ့ အသောက်ကိုလည်း လျှော့ဖို့ ထပ်ခါတလဲလဲ ပြောရပါတယ်။ နောက်ပြီး ကလေးတွေကိုလည်း စာမေးပွဲပြီးတာနဲ့ အလှည့်ကျ အလည် လွှတ်ပေးမယ့်အကြောင်း…၊ မကြာခင်ကာလမှာ မိသားစုအားလုံး ရန်ကုန်မြို့ကြီးမှာ တစုတစည်းတည်း နေထိုင်နိုင်တော့မှာ ဖြစ်တဲ့အတွက် အသက်ရှည်အောင် အခုကတည်းက အသောက်လေး နည်းနည်းပါးပါး လျှော့ထားပေးဖို့ တောင်းပန်ရပါတယ်။ စားဝတ်နေရေးအတွက်လည်း ရွာက ကျုပ်သူငယ်ချင်း ဈေးဆိုင်ပိုင်ရှင်တွေနဲ့ ချိတ်ဆက် မိတ်ဖွဲ့ကာ သူ အလိုရှိသမျှ ဆီ၊ ဆန်၊ ဆားကအစ တိုလီမုတ်စ အဆုံး အကြွေး ပေးကြဖို့ ညှိပေးခဲ့ရတာပေါ့။ အကြွေးကိုတော့ နှစ်လတစ်ကြိမ်- သုံးလတစ်ကြိမ် အဆင်ပြေသလို ကျုပ်က ပြန်ဆပ်ပါ့မယ် ဆိုတဲ့ ကတိခံဝန်ချက်နဲ့ပါ။ ကျေးဇူးတင်ပါတယ် သူငယ်ချင်းတို့ရယ်…။

ဒီအချိန်မှာပဲ ၈ တန်းလောက်ကတည်းက သူငယ်ချင်းတွေက သူ နဲ့ ကျုပ်ကို စ ရင် အဖက်မတန်ဘူးလို့ ပြောခဲ့သလို… မတော်တဆ လမ်းမှာ ဆုံတွေ့ကြရင်တောင် လမ်းကျယ်ရင် အဝေးက ရှောင်သွားလေ့ရှိပြီး လမ်းကျဉ်းရင်တော့ နောက်ပြန်ကွေ့သွားတတ်တဲ့ ရွာ့မျက်နှာဖုံး ပန်းနွယ်နဲ့ ပြန်လည် ဆုံစည်းနိုင်မယ့် အခွင့်အလမ်းလေးတွေ ကြုံခဲ့ရပါသေးတယ်။ တကယ်တော့ ဒီအပြုအမူအတွက် သူမကို အပြစ်မတင်လိုပါဘူး။ ငွေကြေး ဥစ္စာဓနကိုသာ တန်းဖိုးထားတတ်တဲ့ ကျုပ်တို့ရွာရဲ့ဓလေ့စရိုက်ကိုသာ ရိုးမယ်ဖွဲ့ရမှာပါ။ ဒီလို ပတ်ဝန်းကျင် အသိုင်းအဝိုင်းမှာ ကျုပ်လိုလူတစ်ယောက်နဲ့ စကြနောက်ကြတာကို ဘယ်လူဂုဏ်တန် အသိုင်းအဝိုင်းကမှ လက်ခံနိုင်ကြမှာ မဟုတ်ပါဘူး။ ဒါကြောင့်လည်းပဲ နောက်ပိုင်းမှာ သူမနဲ့တွေ့တဲ့အခါတိုင်း ကျုပ်ကပဲ အရင်ဦးအောင် ရှောင်ပေး- နောက်ဆုတ်ပေးခဲ့ပါတယ်။ ရွာက ထွက်လာသည်အထိပေါ့…။

ရွာက ဆွေမျိုးရွှေမျိုးတွေက ဒိတ္ထိ လို့ ကင်မွန်းတတ်ကြတဲ့ ကျုပ်ကို သူမလည်း အဝေးကနေ နားစွင့်လို့ အကဲခတ်နေခဲ့ဟန်တူပါတယ်။ အဝေးသင် စာမေးပွဲဖြေရင်း နှစ်စဉ် ရွာပြန်တဲ့ အခါတိုင်းမှာလည်း မေးပြော ခေါ်ထူး အဆင့်တောင် မရောက်ခဲ့ပါဘူး။ ဒါပေမဲ့ ဒီတစ်ကြိမ်မှာတော့ “သူက ကျောင်း ဘယ်တော့ ပြီးမှာလည်း” ဆိုတဲ့ အမေးလေးနဲ့အတူ သူမရဲ့သဘောထား ဆန္ဒတွေကို ဖိုးလမင်းကြီးက တစ်ဆင့် အမှာစကားတွေ ပါးလာပါတော့တယ်။ ကျုပ်ကလည်း ဘဝအခြေအနေက မလှပသေးတာမို့ အဝါရောင် မျဉ်းကျားမှာ ရပ်လို့ စောင့်နေခဲ့တာပေါ့…၊ စောင့်နေခဲ့တာပေါ့…။

ကျုပ်ဘဝတစေ့တစောင်း(၅၉)

ညနေစောင်းတော့ ကပိုင်ရွာကို ရောက်ပါပြီ။ နွားလှည်းကို ကျုပ်တို့ ဂျူနီယာ သောင်းဝင်းတို့အိမ်မှာ ချွတ်ထားခဲ့ပြီး ကိုသန်းဝင်းနဲ့ ချိန်းဆိုထားရာ ဆရာ ဦးမြင့်ကျော် ဆီကို သွားကြပါတယ်။ ဆရာက ကျုပ်တို့ ၁၀ တန်းမှာ အခကြေးငွေ မယူပဲ ကိုးတန်း-ဆယ်တန်း ဓါတု ရူပ သင်ကြားပေးခဲ့သူပါ။ အခုတော့ ကပိုင် အခြေခံပညာအလယ်တန်းကျောင်းမှာ အလယ်တန်းပြဆရာ အဖြစ် အမှုထမ်းရင်း စီးပွားရေးတစ်ဘက် လုပ်နေသူပါ။ အဲဒီမှာ လက်သမားဆရာ ကိုသန်းဝင်းနဲ့တွေ့တော့ “ ပေါင်းဝရွာမှာ သုံးပင်နှစ်ခန်း ထရံကာ ဇလီသတ် အိမ်အသစ်လေး တစ်လုံး တွေ့ထားပြီးဖြစ်ကြောင်း…၊ ဈေးလည်းသင့်တော်ကြောင်း…၊ မင့်အဖေလည်း ကြည့်ပြီး သူလည်းကြိုက်ကြောင်း…၊ အမိုးတစ်ခုပဲ ပြန်ဝယ်ရမှာ ဖြစ်ကြောင်း…၊ မင်းလည်း အချိန် မရတာမို့ အခြားဟာတွေ လိုက်ကြည့်မနေပဲ… ဒါကိုပဲ ဝယ်လိုက်စေချင်ကြောင်း…” ဆီးကာ ပြောပါတော့တယ်။ ဒါနဲ့ ကျုပ်တို့လည်း ဆရာ့အိမ်မှာ ခဏထိုင်ပြီး ကပိုင်ကနေ တစ်မိုင်ကျော်ကျော်လောက် ဝေးတဲ့ ပေါင်းဝရွာကို နေဝင်ဖြိုးဖြအချိန် ရွာတောင်ဘက်မှာ တသွင်သွင် စီးဆင်းနေတဲ့ ယမားချောင်းအတိုင်း ဆန်တက်လို့ ချီတက်ကြပါတော့တယ်။ ဆရာလည်း လိုက်လာတာကြောင့် သဲသောင်ပြင်မှာ လမ်းလျှောက်ရင်း ရှေးဟောင်း နှောင်းဖြစ်တွေ ပြောကြတာပေါ့…။

ဟိုရောက်တော့ အဖေက အိမ်ပိုင်ရှင်နဲ့အတူ မူးလို့နေလေပြီ။ သူ့မိတ်ဆွေဟောင်း ဖြစ်သူ အိမ်ပိုင်ရှင်နဲ့ မိတ်ဆက်ပေးပြီး“ ငါကတော့ ဒီအိမ်လေးကိုပဲ ကြိုက်တယ်ကွာ…” လို့ ဆိုပြန်ပါတယ်။ ကျုပ်ကလည်း “အဖေ ကြိုက်ရင် ပြီးတာပဲ… အဖေတို့နေမှာ… ကျနော်တို့ နေမှာ မဟုတ်ဘူး..”လို့ ပြောရင်း အိမ်လေးကို ပတ်ကြည့်ကြပါတယ်။ ပြီးတာနဲ့ ဆရာက ဦးဆောင်ကာ ဈေးနှုန်း အလျှော့အတင်း ညှိကြပြီး ငွေ ချေလိုက်ပါတော့တယ်။ ဆက်လက်ပြီး မနက်ဖန်မနက် အိမ်ဖျက်ပြီး သယ်ယူဖို့အတွက် ကားငှားဖို့ လုပ်ရပြန်ပါတယ်။ လှည်းတွေနဲ့သယ်ရင် ကပိုင်ရွာက အလကား လိုက်ပို့မယ့် အဖေ့မိတ်ဆွေရင်းတွေ ရှိပေမဲ့ ကျုပ်က အချိန်မပေးနိုင်တာကြောင့် ကားနဲ့သယ်ဖို့ လုပ်ရတာပါ။ ဒီ အပြုအမူအတွက် ကျုပ်အပေါ် စိတ်ခုသွားကြတဲ့ အဖေ့မိတ်ဆွေတွေ အများကြီး ရှိခဲ့ပါတယ်။ ဘယ်လိုပဲဖြစ်ဖြစ် ကျုပ်ကတော့ ကားသမားနဲ့ စကားပြော ဈေးညှိ(ကားပိုင်ရှင်ကလည်း အလျင်လိုမှန်း သိတော့ မတန်တဆ တောင်းခဲ့ပြန်ပါတယ်)၊ မနက်ဖန်မနက် အိမ်ဖျက်ပြီး ကားပေါ်တင်ဖို့အတွက် အလုပ်သမား ငှားဖို့အထိ ကိုသန်းဝင်းနဲ့ တိုင်ပင် စီစဉ်ပြီးကာမှ ညအမှောင်ထဲမှာ လက်နှိပ်မီးကို အဖော်ပြုလို့ ကပိုင်ရွာကို စုန်ခဲ့ကြပါတယ်။

ကပိုင် ရောက်တော့ ညနေက နွားတွေကို ဘာမှ မကျွေးခဲ့ရသေးတာကြောင့် နွားတွေရှိရာကို အရင်ချီတက်ရပါတယ်။ ကျုပ်တို့ လူတွေက မရှိရင် ရှာစားလို့ ရပေမဲ့ တိရစ္ဆာန် ဖြစ်တဲ့ နွားကတော့ ကျုပ်တို့ လူတွေက ကျွေးမှ စားကြရတာ မဟုတ်ပါလား။ ဟိုရောက်တော့ မုံရွာ ပဲရောင်းသွားတဲ့ သောင်းဝင်းက လမ်းမှာ ကားပျက်လို့ အိမ်ပြန်ရောက်နေပြီး နွားတွေကို ကျွေးထားလေရဲ့…။ ကျုပ်တို့လည်း သောင်းဝင်းနဲ့အတူ ညစာ စားလိုက်ကြပြီး ဆရာ့အိမ်ကို ထွက်ခဲ့ကြပြန်ပါတယ်။ ဆရာ့အိမ် ရောက်တော့ ကျုပ်တို့ကို လက်ဘက်ရည်သောက် (ရေနွေးသောက်) လာခေါ်ကြတဲ့ အဖေ့မိတ်ဆွေတွေက တန်းစီလို့ စောင့်နေကြပါတယ်။ ကျုပ်ကတော့ ညလည်း မိုးချုပ်နေပြီမို့ အားလုံးကို တောင်းပန်ပြီး မဖြစ်မနေ လိုက်ရမယ့် အိမ်နှစ်အိမ်ကိုပဲ အလှည့်ပေးခဲ့ပါတယ်။ အဖေကတော့ အဲဒီ ကပိုင်ရွာမှာ ကြိုက်တဲ့အိမ် ဝင်ပြီး ထမင်းစားလို့ ရသည်အထိ ရင်းနှီးခဲ့သူမို့ ဘယ်မှာတည်းလို့ ဘယ်လိုနေမှန်း မမေးခဲ့မိ…။

နောက်နေ့မနက်မှာတော့ ပေါင်းဝရွာသွား…၊ အိမ်ဖျက်ကာ ကားပေါ်တင်… လက်သမားဆရာ ကိုသန်းဝင်းနဲ့ အဖေက အဲဒီကားနဲ့ အတူပြန်လိုက်သွားပြီး ကျုပ်တို့သုံးယောက်က နွားလှည်းနဲ့ ပြန်လာခဲ့ကြတာပေါ့။ အင်တောက ကျော်မင်းတို့အိမ် ရောက်တော့ ခဏ နားကာ စက်ဘီးနဲ့ ဆက်ပြီး ခရီးနှင်လာလိုက်တာ ညမှောင်ရီပျိုးစ ညီအစ်ကို မကွဲတကွဲအချိန်မှာ ကျုပ်မွေးရပ်မြေ ရင်ပေါင်တိုင်ရွာကို ပြန်ရောက်ခဲ့ပါတော့တယ်။

ကျုပ်ဘဝတစေ့တစောင်း(၅၈)

၉၆ ကျူ-တူး စာမေးပွဲ ဖြေပြီးကတည်းက ကျောင်းတွေ ပိတ်လိုက်တာ ၉၇ နှစ်ကုန်အထိပါ။ အဲဒီ ၉၇ ထဲမှာပဲ တက္ကသိုလ်နည်းပြဆရာ-ဆရာမတွေ အလုပ် လျှောက်လွှာခေါ်ယူခဲ့ပါတယ်။ ရှားပါးမေဂျာ ဖြစ်တဲ့ ကျုပ်တို့ စိတ်ပညာ မှာတော့ ရိုးရိုးဘွဲ့ ရရင်တောင် လျှောက်ခွင့် ရှိပါတယ်။ ရေးဖြေ မပါပဲ လူတွေ့စာမေးပွဲနဲ့တင် အလုပ်ခန့်ခဲ့တာကြောင့် ကျုပ်တို့လို ကျူ-တူး အောင်ပြီးသား သူတွေက အလုပ်ရဖို့ သေခြာပါတယ်။ အမှန်တကယ်လည်း ၉၈ ထဲမှာ အလုပ် ခန့်တော့ ကျုပ်နဲ့အတန်းတူ သူငယ်ချင်းတွေ အားလုံး ဆရာ-ဆရာမတွေ ဖြစ်ကုန်ကြပါတော့တယ်။ ဒီလိုဆိုရင် ကျုပ်ကရော…။

ကျုပ်က အလုပ် မလျှောက်ဖြစ်ခဲ့ပါဘူး…။ ကျုပ် သိပ် ဖြစ်ချင်တဲ့ တက္ကသိုလ်ဆရာ လွယ်လွယ်လေးနဲ့ ဖြစ်လာနိုင်ပါလျက်နဲ့ မိသားစုအတွက် ရင်နာနာနဲ့ ကျောခိုင်းခဲ့ရသူပါ။ အဲဒီအချိန်က တက္ကသိုလ် နည်းပြဆရာတစ်ယောက်ရဲ့လစာက ၁၂၅၀ ကျပ် ပါ။ ကျုပ်ရဲ့ အဆောင်လခက ၁၅၀၀ ကျပ် ပေးရပါတယ်။ ကျုပ် အောက်မှာ ၁၀ တန်း မအောင်သေးတဲ့ အငယ် ၃ ယောက် ကျန်နေပါသေးတယ်။ သူတို့လေးတွေကို ချန်ထားပစ်ပယ်လို့ ကိုယ်တစ်ယောက်တည်း တကိုယ်ကောင်းဆန်စွာ ကိုယ်သွားချင်တဲ့ လမ်းကို လျှောက်လှမ်းရဲလောက်သည်အထိ မမိုက်ရဲခဲ့ပါဘူး…။ နောက်ပြီး အငယ်ဆုံးညီမလေး ၁၀ တန်း အောင်ပြီးရင် နေစရာ ဗလာနတ္ထိ ဖြစ်နေတဲ့ ရွာက မိဘတွေကို နေစရာအိမ်ဝိုင်းလေး ပြန်လည် ဖန်တီးပေးရပေအုံးမည်။ ကျုပ် ဖြစ်ချင်တဲ့ တက္ကသိုလ်ဆရာအလုပ်က ရရှိမယ့် လစာ ၁၂၅၀ိ/ က ကျုပ်တစ်ယောက်ထဲတောင် ဘယ်လိုစားလို့ ဘယ်လိုနေရမှန်းမသိ…။ မိသားစုအတွက်တော့ ဝေလာဝေးပေါ့…။ ဒီလို ရင်တွင်းသောကတွေကို အကြိမ်ကြိမ် အဖန်ဖန် ပြန်လှန် စဉ်းစားရင်း မကျေနပ် ကျေနပ်နဲ့ နောက်ကို တစ်လှမ်း ဆုတ်ပေးခဲ့ရသူပါ။

၉၈ နှစ်ဆန်းထဲမှာတော့ အငယ်မ ၁၀ တန်း အောင်သည်အထိ မစောင့်တော့ပဲ… ကျုပ်တို့ အကြီးနှစ်ယောက်က တစ်ယောက်တစ်သိန်း ထည့်ပြီး ကျန် အလုပ် ရနေပြီဖြစ်တဲ့ ညီတော်မောင်တွေကိုလည်း စေတနာ ရှိသလောက် ထည့်ဝင်ကြဖို့ ဆော်သြကာ မိဘတွေအတွက် ရွာပြန် အိမ်ဝိုင်း ဝယ်ပြီး အိမ်ဆောက်ပေးဖို့ ကြိုးစားခဲ့ပါတယ်။ ညီတော်မောင်တွေကို မိသားစုအတွက်ဆိုရင် လက်ဆင့်ကမ်း တာဝန်ယူကြရမယ်လို့ သင်ကြားပေးခဲ့ပေမယ့် တကယ်လက်တွေ့ကျတော့ တုပ်တုပ်မျှ မလှုပ်ကြ…။ သွန်သင်ဆုံးမခဲ့သူ ကျုပ်ကပဲ ညံ့ခဲ့လေရော့သလား…။ ဒါမှမဟုတ် နောက်မှပေါက်တဲ့ သူတို့ရဲ့ကောင်မလေးတွေကပဲ အစွမ်းထက်လေရော့သလား...။ အံ့သြဖွယ်ကောင်းလေစွ…။ ဒီလိုနဲ့ ကျုပ်တစ်ယောက်သာ ရုံးက ခွင့် (၁၅) ရက် ယူကာ ရွာပြန်…၊ ရွာဘုံပိုင် ပေတစ်ရာပတ်လည် အိမ်ဝိုင်းကို ကျပ် ငွေ တစ်သိန်းနှစ်သောင်းနဲ့ ဝယ်ကာ လေးဘက်လေးတန် ဝင်းထရံ ခတ်လိုက်ပါတယ်။ ပြီးတာနဲ့ လက်လှုပ်ရေတွင်း (အဝီစိတွင်း) တူးခိုင်းပါတယ်။ အဲဒီနောက် အိမ်အတွက် ကျုပ်တို့ရွာကနေ ၆ တိုင် (၁၂ မိုင်) လောက် ဝေးတဲ့ ကပိုင်ရွာ ကို စက်ဘီးနဲ့ ချီတက်ကြပါတယ်။ လက်သမားဆရာ ကိုသန်းဝင်း ရယ်၊ ကျုပ်ရယ်၊ ကျုပ်သူငယ်ချင်း အောင်ဆင်ရယ် သုံးယောက် သွားကြတာပါ။ အဖေကတော့ အရင်နေ့ကတည်းက သူတစ်ယောက်တည်း သွားနှင့်လေရဲ့…။

ကျုပ်တို့ရွာကနေ ၂ တိုင် (လေးမိုင်) ဝေးတဲ့ “ဆင်စွယ်ရွာ” လွန်တော့ ကျုပ်က ဘယ်လိုမှ စက်ဘီးမစီးနိုင်တော့ပါဘူး။ ဒါပေမဲ့ စက်ဘီးကို တွန်းပြီး လမ်းလျှောက်နိုင်ပါသေးတယ်။ ဒါကြောင့် လက်သမားဆရာ ကိုသန်းဝင်းကို အရင်သွားခိုင်းပြီး သင့်တော်မယ့် အိမ်လေးကို ကျုပ်အဖေနဲ့ ညှိပြီး ကြိုက်ရင် ဝယ်ထားနိုင်ဖို့ ဦးစွာလွှတ်လိုက်ရပါတယ်။ ကျုပ်တို့ နှစ်ယောက်ကတော့ နောက်ထပ် ၁ တိုင်(နှစ်မိုင်)လောက် လျှောက်လိုက်ရင် ရောက်မယ့် “အင်တောရွာ” မှာ ရှိတဲ့ ကျုပ်တို့ သူငယ်ချင်း ကျော်မင်းတို့အိမ် ဝင်ပြီး ခဏနားကာ မီးစင်ကြည့် က ဖို့ စိတ်ကူးခဲ့ကြပါတယ်။ ကံအားလျှော်စွာပဲ လမ်းမှာ ကျော်မင်းတို့ အဖေနဲ့အမေကို တွေ့လိုက်ရတာကြောင့် ဒီကောင် အိမ်မှာ ရှိနေတယ်ဆိုတာကို သိလိုက်ရပါတယ်။ ကျော်မင်းတို့အိမ် ရောက်တော့ အစ်မကြီး ခူးကြွေးတဲ့ နေ့လည်စာထမင်းကို စားသောက်ကြပြီး စက်ဘီးတွေကို ထားခဲ့ကာ… သူတို့အိမ်က နွားလှည်းနဲ့ပဲ သူငယ်ချင်း သုံးယောက် စကားတပြောပြောနဲ့ ခရီးပန်းတိုင် ကပိုင်ရွာဆီသို့ တအိအိ နှင်ခဲ့ပါတော့တယ်။

ကျုပ်ဘဝတစေ့တစောင်း(၅၇)

ဒီလိုနဲ့ စာမေးပွဲဖြေအပြီး နောက်တစ်ရက်မှာ စာတမ်းငယ် လူတွေ့စာမေးပွဲ ဖြေဆိုဖို့ ရောက်ရှိလို့လာပါပြီ။ ရာမညဆောင် စိတ်ပညာဌာနရဲ့ Seminar room ထဲမှာ ကျောင်းသားတွေ ရင်တထိတ်ထိတ်နဲ့ ကိုယ့်အလှည့်ကို ထိုင်စောင့်နေရတာပေါ့။ ခုံနံပါတ် အစဉ်လိုက် ပါမောက္ခနဲ့ အဖွဲ့ရှေ့မှာ သူတို့မေးသမျှ ဖြေကြရတာပါ။ ပထမဆုံး တစ်ယောက် သွားဖြေနေတဲ့အချိန်မှာ ကျုပ်တို့ ရှိနေတဲ့ အခန်းကို ဆရာမ ဒေါ်သက်ထားဝင်း (ယခု တွဲဘက်ပါမောက္ခ၊ ရန်ကုန်အဝေးသင်) ရောက်လာပြီး “ကဲ… ကိုမိုးစံ ဆိုတာ ဘယ်သူလဲ… မတ်တပ်ရပ်ပြပါအုံး… မမြင်ဖူးလို့ ကြည့်ချင်လို့ပါ” လို့ ဆိုတာကြောင့် ကျုပ်လည်း မျက်နှာငယ်ငယ်နဲ့ မတ်တပ် ရပ်လိုက်ရပါတယ်။ ဆရာမက “အေး… မင်းကို ဒို့မှ မဟုတ်ဘူး… အခြား ဆရာတစ်ယောက်ကလည်း မမြင်ဖူးဘူး ပြောနေတယ်” လို့ ဆိုပါတယ်။ ပြီးတာနဲ့ “ဘာမှမဟုတ်ပါဘူး… ကျောင်းမတက်ပဲနဲ့ Answer paper မှာ သိပ် ကောင်းလွန်းလို့ လာကြည့်တာပါ” ဟု ဆိုကာ (ကျုပ်အထင်) မယုံကြည်ဟန် မျက်နှာပေးနဲ့ ပြန်သွားလေရဲ့…။ ကျုပ်သာ မရိုသားခဲ့တဲ့သူ ဖြစ်ခဲ့ရင် ပွဲကတော့ ကွဲပြီပေါ့ဗျာ…။ အားလုံးက ကျုပ်အကြောင်း သိပြီးသားဖြစ်ကြတာမို့ တော်သေးတာပေါ့။ တကယ်တော့ ဘယ်သူ ဘယ်ခြေလှမ်း ရှိတယ်ဆိုတာ (အသိအမှတ် မပြုချင်ရင်တောင်) တစ်တန်းထဲသားတွေနဲ့ သူတို့ကို သင်ကြားပေးခဲ့တဲ့ ဆရာ-ဆရာမတွေ အားလုံးသိကြပါတယ်။ ကျုပ်က အဲဒီဆရာမ သင်ခဲ့တဲ့ ဟားလ်(Hall) နဲ့ တိုလ်မင် (Tolman) ရဲ့ သင်ယူခြင်းသီအိုရီ နှစ်ပုဒ်ကို အခုချိန်ထိ ပိုင်ပိုင်နိုင်နိုင် မှတ်မိ နေပါသေးတယ်ဆိုရင်… ဆရာမ အံ့သြနေလေမလား...။

ကျုပ် အလှည့် ရောက်လို့ ပါမောက္ခရုံးခန်းထဲ ရောက်တော့ “ ကောင်းလိုက်တဲ့ paper” ပါလားလို့ ဆရာမကြီး တစ်ယောက်ရဲ့ ချီးမွမ်းစကားနဲ့ စ ဖွင့်ပါတယ်။ ကောင်းမှာပေါ့ဗျာ…၊ အားလုံးက လက်နှိပ်စက် ရိုက်ချက် ပြင်ရာ-ဖျက်ရာတွေနဲ့ နှစ်ပါးသွားနေတဲ့အချိန်… ကျုပ်က ကွန်ပျူတာစာစီနဲ့အတူ စာရွက်ဖြူအကောင်းစားနဲ့လေ…။ သူကပဲ ဆက်ပြီး “မင်း ဒို့ကို သိလား” လို့မေးပါတယ်။ ကျုပ်က မသိပါဘူး လို့ ဖြေလိုက်တော့ “ မင်း မနှစ်က မန္တလေးအဝေးသင်ဌာနခွဲက Qualify ဖြစ်တဲ့ နှစ်ယောက်ထဲက တစ်ယောက် မဟုတ်လား” လို့ မေးပြန်ပါတယ်။ ကျုပ်က မှန်ပါတယ်လို့ ဖြေလိုက်တဲ့အခါ “ မနှစ်က မန္တလေးအဝေးသင်က Qualify နှစ်ယောက် ပေးပြီး သူတို့နှစ်ယောက်ရဲ့ Answer paper တွေကို အဝေးသင်ရုံးချုပ်ကို ပို့ပေးခဲ့ကြောင်း…၊ အဲဒီအချိန်က သူဟာ အဝေးသင်တက္ကသိုလ်၊ စိတ်ပညာဌာနရဲ့ ဌာနမှူး ဖြစ်ကြောင်း…၊ ဒါကြောင့် ဒီ ကျောင်းသားနှစ်ယောက်ကို Qualify ပေးသင့်-မပေးသင့် သူတို့ရဲ့ paper တွေကို အပြန်အပြန် အလှန်လှန် စနစ်တကျ စစ်ဆေးခဲ့ကြောင်း… ၊ နောက်ဆုံး Qualify နဲ့ ထိုက်တန်လို့ သူတို့မန္တလေးက နှစ်ယောက်ကို Qualify ပေးလိုက်ရကြောင်း… ဒါကြောင့် ဒီ နံမည်ကို အခုချိန်ထိ မှတ်မိနေကြောင်း… စသည်ဖြင့်” ကျန်တဲ့ ဆရာမကြီးတွေကို ရှင်းပြနေပါတော့တယ်။

ကျုပ်လည်း တော်တော်ကို အံ့သြသွားခဲ့ရပါတယ်။ ရှေးရေစက် လို့ ဆိုရလေမလား…။ တစ်ယောက်နဲ့ တစ်ယောက် မမြင်ဖူးကြတဲ့ ဆရာ-တပည့် နှစ်ယောက်ဟာ အခု သူက ရန်ကုန်တက္ကသိုလ်၊ စိတ်ပညာဌာနရဲ့ ဌာနမှူး ပါမောက္ခဖြစ်လာပြီး… ကျုပ်က သူ့ရဲ့ မဟာဝိဇ္ဇာအရည်အချင်းစစ်တန်း ကျောင်းသားတစ်ယောက် ဖြစ်နေလေရဲ့…။ အဆိုပါ ဆရာမကြီးကား စိတ်ပညာရှင်ပီပီ ကျုပ်ကို တက္ကသိုလ် အသိုင်းအဝိုင်းထဲ ရောက်အောင် ဆွဲဆောင် တွန်းပို့ပေးခဲ့သူ ဆရာမကြီး ပါမောက္ခ ဒေါ်ခင်အေးဝင်း ပင် ဖြစ်ပါတော့သည်။

အငြိမ်းစားပင်စင် ယူပြီးစ ဆရာမကြီး ပါမောက္ခဒေါ်အေးသန်းကတော့“ ဘာကြောင့် ဒီ Personnel training ဆိုတဲ့ ခေါင်းစဉ်” ကို ရွေးချယ် ရေးခဲ့တာလဲ… ကနေ အစပြုလို့ စာရွက်တွေ တစ်ရွက်ပြီး တစ်ရွက်လှန်ကာ မေးလိုက်တာ…Conclusion ရောက်မှပဲ ရပ်ပါတော့တယ်။ သူတစ်ယောက်တည်း ဒိုင်ခံ မေးခဲ့တာကြောင့် ကျန်တဲ့ ဆရာမကြီးတွေတောင် မမေးလိုက်ရပါဘူး။ ကျုပ်ကတော့ သူမေးသမျှ ကိုယ်ဖြေတာကို ကိုယ့်ဖာသာကိုယ် ကျေနပ်ပီတိ ဖြစ်ကာ “ဒီအတန်းကိုလည်း ကျော်ဖြတ်နိုင်ပါပြီလေ” ဆိုတဲ့ ယုံကြည်ချက် အားမာန်အပြည့်နဲ့ နားနေရာ အခန်းဆီသို့… နားနေရာ အခန်းဆီသို့…။

ကျုပ်ဘဝတစေ့တစောင်း(၅၆)

ကျုပ် ရေးပြီးသား လက်ရေးမူစာတမ်းငယ်ကို လိုတိုး-ပိုလျှော့ တည်းဖြတ်နိုင်ဖို့အတွက် ကြီးကြပ်သူ ဆရာ့ထံ ဦးစွာ တင်ပြခဲ့ရပါသေးတယ်။ ဆရာက Introduction အပိုင်းကိုသာ ဖြည့်စွက်-နှုတ်ပယ် လုပ်ခဲ့တာကြောင့် များများစားစား ပြင်ဆင်ခြင်း မလုပ်ခဲ့ရပါဘူး။ ကြီးကြပ်သူဆရာက အိုကေပြီ ဆိုတော့ လက်နှိပ်စက်တင်ဖို့ ကြိုးစားရပါတော့တယ်။ စာမေးပွဲပြီးလို့ နောက်တစ်ရက်မှာ စာတမ်းငယ်တင်ပြပြီး လူတွေ့စာမေးပွဲ ဖြေဆိုရမှာဖြစ်တာကြောင့် စာမေးပွဲ မတိုင်မှီ အားလုံးပြီးစီးထားဖို့ လိုပေသည်။ ဌာနက အင်္ဂလိပ်လက်နှိပ်စက် တစ်လုံးမှာ ကျုပ်လိုလူတွေက တန်းစီလို့ စောင့်နေကြသည်။ ကျောင်းစာကို ရိုက်နေကြ ဝဂ္ဂီက လက်နှိပ်စက်မှာလည်း အပြည့်။ ကိုယ့်အတွက် အချိန်မှီ ရဖို့မလွယ်။ စာတမ်းကို အချိန်မှီ မတင်နိုင်ရင် ရေးဖြေစာမေးပွဲ အောင်စေကာမူ ကျူ-တူး စာမေးပွဲက ကျရှူံးမည်သာ…။

အဲဒီလို အခက်အခဲတွေနဲ့ အကြံအိုက်နေတာကို စနေ-တနင်္ဂနွေ ရက်တွေမှာ အလုပ်ကိစ္စနဲ့ ရန်ကုန်တက်လာတတ်တဲ့ စက်ရုံမှူးကြီး ကိုတိုးမြင့် ရှေ့မှာ ငြီးပြလိုက်မိပါတယ်။ သူကတော့ “ဟ…ဟေ့ကောင်ရ.. အဲဒါ ဘာခက်လို့တုန်း…၊ ပိုပို ကို ကွန်ပျူတာနဲ့ ရိုက်ခိုင်းလိုက်ပေါ့…ကွ” လို့ ဆိုပါတယ်။ ကွန်ပျူတာနဲ့ဆိုရင် မြန်လည်း မြန်တယ်… သပ်လည်းသပ်ရပ်တယ်… အချိန်မှီလည်း ပြီးမယ်… မင်း မပြောရဲရင် ငါ ပြောပေးမယ်လို့ ဆက်ပြန်ပါတယ်။ တကယ်တော့ ကိုတိုးမြင့် ဟာ ကျုပ် အတွက်တော့ အစ်ကိုလိုတစ်မျိုး… တိုင်ပင်ဖော်သူငယ်ချင်းလို တစ်ဖုံ ခင်မင်ရတဲ့ကျေးဇူးရှိသူပါ။ သူ ပြောတဲ့ ပိုပို ဆိုတာက ရန်ကုန်ကွန်ပျူတာတက္ကသိုလ်မှ ပထမဆုံးအပတ်စဉ် မဟာကွန်ပျူတာသိပ္ပံ ဘွဲ့ရတွေထဲက တစ်ယောက်ပါ။ အခု ဂျပန်ပြန် ပါမောက္ခကြီး ဒေါက်တာ ဒေါ်စောစန္ဒာ နဲ့ တစ်ပတ်စဉ်တည်းပေါ့။

ကျုပ်က မပို လို့ ခေါ်တဲ့ သူမဟာ အဲဒီအချိန်က မိခင်ကျောင်းမှာ ဆရာမ မဖြစ်ခင်.. လမ်းသုံးဆယ်မှာ ဖွင့်ထားတဲ့ ACE ကွန်ပျူတာသင်တန်းကျောင်းမှာ နည်းပြဆရာမ လုပ်နေတာပါ။ ကိုတိုးမြင့်ကြီးက သူမကို ပိုးနေတာကြောင့် သူ လမ်းသုံးဆယ် သွားတိုင်း ကျုပ်က အဖော်အဖြစ် လိုက်ရပါတယ်။ အကျိုးဆက်ကတော့ ကျုပ်ရဲ့စာတမ်းကို ကွန်ပျူတာနဲ့ လှလှပပ သပ်သပ်ရပ်ရပ် အချိန်မှီ ပုံဖော်လိုက်နိုင်တာပါဘဲ။ တကယ်ကို ကျေးဇူးတင်ပါတယ် ကိုတိုးမြင့် နဲ့ မပို ရယ်…။ နောက်ပြီး ဒီစာတမ်းငယ် အချိန်မှီ ပြင်ဆင်ပြီးစီးနိုင်ဖို့အတွက် မပိုကို ကူညီကာ ကွန်ပျူတာ စာစီပေးခဲ့တဲ့ အမည်မသိတစ်ယောက်ကိုလည်း အထူးပင် ကျေးဇူးတင်ရှိပါကြောင်း…။

ကျုပ်ဘဝတစေ့တစောင်း(၅၅)

ကျုပ်ရဲ့ Term paper စာတမ်းငယ် ကြီးကြပ်သူက ယခု ဒဂုံတက္ကသိုလ်မှာ ပါမောက္ခ ဖြစ်နေတဲ့ ဆရာ ဦးအေးကျော်ပါ။ ကျုပ်က ရန်ကုန်ကျောင်းထွက် မဟုတ်တာကြောင့်လည်း ဆရာနဲ့ မသိသလို… ကျူ-ဝမ်း မှာလည်း ကျောင်းပျက်တာ များတာကြောင့် ဆရာနဲ့ မရင်းနှီးပါဘူး။ မြင်ဘူးယုံလောက်ပါဘဲ။ အဲဒီအချိန်က ဆရာတို့မိသားစုဟာ မိန်းထဲက ဆရာမကြီး ပါမောက္ခ ဒေါ်အေးသန်း ရဲ့ ခြံဝင်းအတွင်းက သီးသန့်အိမ်လေးမှာ နေကြပါတယ်။ စာတမ်းငယ်ခေါင်းစဉ် ရွေးချယ် တိုင်ပင်ညှိနှိုင်းရန်အတွက် ဆရာ့အိမ်ကို ဆရာနဲ့ ရင်းနှီးကျွမ်းဝင်ပြီးသား ဖြစ်တဲ့ ကိုသောင်းကြည်တို့အဖွဲ့က လိုက်ပို့ပါတယ်။ ဟိုရောက်တော့ ဆရာက စာတမ်းငယ်အတွက် ဖြစ်နိုင်ခြေ ရှိတဲ့ ခေါင်းစဉ်တွေကို စဉ်းစားသုံးသပ်ပြပါတယ်။ ပြီးတာနဲ့ ကျုပ် ဖတ်ဖို့ စာအုပ်သုံးအုပ် ထုတ်ပေးလိုက်ပြီး နောက်တစ်ခေါက်လာရင် ကိုယ်လုပ်ချင်တဲ့ ခေါင်းစဉ် နဲ့ Format အကြမ်းကိုပါ ရေးပြီး ယူခဲ့ဖို့ မှာလိုက်ပါတော့တယ်။

ဒီလိုနဲ့ တစ်လလောက်အကြာ စာတမ်းခေါင်းစဉ် အတည်ပြုချက် ရယူဖို့အတွက် ဆရာ့ဆီကို သွားတဲ့အခါမှာတော့ ဆရာတို့မိသားစုက ပညာရေးတက္ကသိုလ်ဝင်းထဲက ဆရာကြီး ဒေါက်တာထွန်းသန်း ရဲ့ အိမ်အောက်ထပ်ကို ရောက်ရှိလို့နေပါပြီ။ ဆရာမကြီး ဒေါ်အေးသန်း အငြိမ်းစား ယူသွားတာကြောင့် မူလနေတဲ့ အိမ်ကနေ ဖယ်ပေးလိုက်ရတယ်လို့ ဆိုပါတယ်။ ဒါပေမဲ့ ဆရာဟာ ဆရာမကြီးရဲ့ကားကိုပဲ ဆက်လက် မောင်းပေးနေရတာကြောင့် ည ၈ နာရီ ဝန်းကျင်လောက်မှ အိမ်ကို ပြန်ရောက်တတ်ပါတယ်။ ရုပ်ရှင်ဆင်ဆာ ရှိတဲ့နေ့ဆိုရင်တော့ ည ၁၀ နာရီလောက်မှ ရောက်လာတတ်ပါတယ်။ “တပည့်က အလုပ်များ… ဆရာကလည်း မအား” ဆိုတော့ ထိတွေ့ရတဲ့အချိန်က အင်မတန် နည်းလှပါတယ်။ တွေ့ရတဲ့အချိန်က ဆရာရော-တပည့်ရော တနေ့တာအလုပ်တွေ ပင်ပမ်းလို့ နွမ်းနယ်လှတဲ့ ည ၈ နာရီ ဝန်းကျင်…။ နေရာကတော့ ရန်ကုန်အဝေးသင် မိန်းပေါက် အဝင်ဝက လက်ဘက်ရည်ဆိုင်မှာပေါ့။ ဒါတောင်မှ ဆရာ ပြန်မလာမချင်း ဇွဲကောင်းကောင်းနဲ့ စောင့်နေတတ်တဲ့ တပည့်ကျော်ကို အားနာလို့ အပြင်က ပြန်ရောက်လာတာနဲ့ သူ့မိသားစုကို နှုတ်ဆက်ပြီး စာ ရှင်းဖို့အရေး လက်ဘက်ရည်ဆိုင်ကို လိုက်ပါပေးခဲ့သူက ဆရာပါ။ တခါတရံ အလိုက်ကန်းဆိုး မသိတတ်တဲ့ တပည့်ကျော်က “သူရေးချင်တာတွေ… သူလုပ်ချင်တာတွေ” ကို အာဘောင်အာရင်းသန်သန်နဲ့ ရှင်းပြနေတဲ့အချိန် ဆရာက စီးကရက် လက်ကြားညှပ်လို့ ငိုက်နေတတ်ပြီ။ အပြန်အလှန်အားဖြင့် တပည့်ကျော်ကလည်း ဆရာ စာရှင်းပြနေတဲ့အချိန်မှာ မငိုက်ရဲတာကြောင့် တဝါးဝါး သန်းလို့ ဆရာ့ကို ဒုက္ခပေးနေတတ်ပြီ။ အဲဒီလိုအချိန်မျိုးဆိုရင်တော့ နှစ်ယောက်သမား စာတမ်းအကြောင်းကို ရပ်လို့ ဟိုအကြောင်း ဒီအကြောင်း ပြောရင်း လမ်းခွဲလိုက်ကြတာပေါ့။

စာတမ်းခေါင်းစဉ်နဲ့ စာတမ်းမှာ ပါဝင်သင့်တဲ့အကြောင်းအရာတွေနဲ့ ပတ်သက်ပြီး ကြီးကြပ်သူ ဆရာရဲ့ အတည်ပြုချက် ရယူပြီးတဲ့နောက်မှာ စာတမ်းရေးဖို့ အချက်အလက် စုဆောင်းရင်း တဖြည်းဖြည်းနဲ့ စာကြမ်း ရေးနိုင်သလောက် ရေးခဲ့ပါတယ်။ စာတမ်းတစ်စောင်လုံးအတွက် အချောကိုတော့ သင်္ကြန်ရုံးပိတ်ရက်မှာ ရေပက်ခံ ထွက်မလည်တော့ပဲ စာတမ်း အပြီးရေးမယ်ဆိုပြီး အားခဲလို့ နေခဲ့တာပေါ့။ သင်္ကြန် အကြိုနေ့ကတည်းက နေ့ရော-ညရော ရေးခဲ့တဲ့ စာတမ်းငယ်ဟာ အတက်နေ့မှာတော့ အောင်မြင်စွာ ပြီးဆုံးသွားခဲ့ပါတယ်။ စာတမ်း ပြီးမြောက်ခြင်း အောင်ပွဲအဖြစ် Grand royal whisky ကို သောက်ထည့်လိုက်တာ နောက်နေ့မနက် နှစ်ဆန်းတစ်ရက်နေ့ကြီးမှာ ကမာရွတ် ဘူတာရုံလမ်းက ဆေးခန်းတစ်ခုမှာ နေ့တစ်ဝက်လောက် ဆလိုင်းတန်းလန်းနဲ့ နားနေခဲ့ရပါကြောင်း…။

ကျုပ်ဘဝတစေ့တစောင်း(၅၄)

ကျူ-တူး (Q-2) မှာတော့ မေဂျာ လေးဘာသာ အပြင် Term paper ခေါ် စာတမ်းငယ် တစ်စောင် ထပ်လို့ တိုးလာပြန်ပါတယ်။ အတန်းမမှန်ပေမဲ့ မင်းဇော်ဦးရဲ့ကျေးဇူးကြောင့် စာတွေက ကျုပ်လက်ထဲမှာ အမြဲတမ်းရှိနေပြီး နေ့စဉ်နေ့တိုင်း ဖတ်နိုင်အောင် ကြိုးစားရတာပေါ့။ အလုပ်က မောမောနဲ့ ပြန်လာ… ရေမိုးချိုးပြီး ခြင်ထောင် ချကာ အိပ်ယာပေါ်မှာ လှဲရင်း ဖတ်တာကြောင့် များသောအားဖြင့် စာတစ်ပိုဒ်လောက်နဲ့ အိပ်ပျော်သွားတာက များပါတယ်။ အလုပ်ကလည်း စားပွဲမှာ မိန့်မိန့်ကြီး ထိုင်ပြီး လုပ်ရတဲ့ အလုပ်မဟုတ်ပဲ… စာရွက်စာတမ်းကိုင်ကာ ဟိုပြေး-ဒီပြေး လုပ်ရတဲ့ အလုပ်ဆိုတော့ အနည်းနဲ့ အများ ပင်ပန်းပါတယ်။ အဲဒီအထဲ ကိုယ့်မိခင် အလုပ်ကို သေခြာမလေ့လာပဲ ဂွင် ရှာဖို့သာ သိတဲ့ တာဝန်ခံ ငရစ်-ငညစ်တွေနဲ့သာ တွေ့လို့ကတော့ စိတ်ညစ်ရပြီသာ မှတ်ပေတော့…။

စာဖတ်ရင်း အိပ်ပျော်တာ များလာတော့ မဖြစ်သေးပါဘူးဆိုပြီး အခြားနည်းလမ်း ရှာရပါတော့တယ်။ အိပ်ချင်ရင် အိပ်ပြီး… နိုးတဲ့အချိန် စာဖတ်တဲ့အကျင့်ပါ။ ကျုပ်နဲ့တော့ တော်တော်လေးကို အဆင်ပြေပါတယ်။ တစ်ခုရှိတာက ဒီနည်းလမ်းက မီးချောင်းကို တစ်ညလုံး ဖွင့်ပေးထားရတာပါ။ ကျုပ်နေတဲ့အဆောင်က ည ၁၁ နာရီ ထိုးရင် မီးပိတ်ရတာကြောင့် ပိုင်ရှင်နဲ့တော့ စကားပြောခဲ့ရတာပေါ့။ ပထမ တစ်ပတ်လောက်မှာ အဆောင်ပိုင်ရှင် အန်တီအေးတို့ ဇနီးမောင်နှံက မီး တစ်ညလုံး ဖွင့်တာကို ဘာမှမပြောကြပေမဲ့… နောက်ပိုင်းမှာတော့ အခြားအဆောင်နေတဲ့သူတွေနည်းတူ ည ၁၁ နာရီ ထိုးရင် မီးပိတ်ဖို့ ခေါ်ပြောပါတော့တယ်။ ကျုပ်ကလည်း “အလုပ် လုပ်ရင်း ကျောင်းတက်နေရတာကြောင့် စာကို အလုပ်ပြီးတဲ့ ညအချိန်မှသာ ဖတ်နိုင်ကြောင်း…၊ စာကို ကြိုးစားဖတ်ပေမဲ့ နေ့ခင်းက အလုပ် ပင်ပမ်းတဲ့ဒဏ်ကြောင့် စောစောအိပ်ပျော်သွားတတ်ပြီး ထိရောက်မှုမရှိကြောင်း…၊ ဒါကြောင့် အိပ်ချင်တဲ့အချိန် အိပ်လိုက်ပြီး နိုးတဲ့အချိန်ဖတ်နိုင်ဖို့ မီးကို တစ်ညလုံး ဖွင့်ထားရကြောင်း…၊ ဒီ ကျူ-တူး အတန်းက ကျရင် ထွက်ရမှာ ဖြစ်တဲ့အတွက် နားလည်ပေးစေချင်ပါကြောင်း” စသဖြင့် ငိုပြရတာပေါ့ဗျာ။ သူတို့ကလည်း ကျုပ်ကလွဲရင် ကျန်တဲ့သူတွေ ပုံမှန်အတိုင်း ည ၁၁ နာရီ ထိုးရင် မီးပိတ် ဆိုတဲ့အမိန့်ကို ဆက်လက် ချမှတ်လိုက်ပါတော့တယ်။

ဒီအတန်းမှာတော့ ဆရာမကြီး ဒေါ်ခင်မျိုးရီ အတန်းကို တခါတလေ စီနီယာနည်းပြ ဆရာမ ဒေါ်ရီရီခိုင်က ဆရာမကြီးကိုယ်စား ဝင်သင်တတ်ပါတယ်။ ဆရာ ဦးခင်မြင့် အာရိုက်တာကို ငြိမ်ပြီး ငေးနေအောင် နားထောင်နေခဲ့ကြတာကြောင့် စာမေးပွဲအတွက် ဘာဖတ်ရမှန်း မသိဖြစ်ခဲ့တာ ဒီအတန်းပေါ့ဗျာ…။ ကျုပ် အလုပ်အားလို့ ကျောင်းထဲရောက်တိုင်း ဆရာ့အချိန်နဲ့ တိုးတာက များပါတယ်။ ဆရာ ဦးခင်မြင့် ဂျပန်ကို သုံးလသင်တန်း သွားတော့ ဆရာ့ကိုယ်စား ဆရာမ ဒေါ်သက်ထားဝင်းက သင်ပါတယ်။ ကျုပ်က ကျောင်းမမှန်ပေမဲ့ ဘယ်ဘာသာရပ်ကို ဘယ်သူတွေ သင်တယ်…၊ ဘယ်ဆရာ-ဆရာမက ဘယ်သူ ဆိုတာကိုတော့ မေးမြန်း လေ့လာ ထားရတာပေါ့ဗျာ…။

ကျုပ်ဘဝတစေ့တစောင်း(၅၃)

ကျူ-ဝမ်း ကို အေးအေးဆေးဆေးနဲ့ပဲ ကျော်ဖြတ်ကာ ကျူ-တူး (Q 2) ကို ရောက်ရှိလို့ လာခဲ့ပြန်ပါပြီ။ ကျူ-တူး ရောက်လာတဲ့အချိန်မှာတော့ နှလုံးလမ်းကြောင်းမှာ ကျွန်းခံနေတဲ့ ကျုပ်အတွက် နှလုံးသားဒဏ်ရာလေး တစ်ခုလည်း ထပ်မံလို့ ရရှိခဲ့ပြန်ပါတယ်။ ကျုပ်တို့ ကျူ-ဝမ်း အတန်းက အမြဲတမ်း မြန်မာလို ရိုးရိုးယဉ်ယဉ် ဝတ်တတ်တဲ့ တစ်ယောက်ကို စိတ်ဝင်စားမိခဲ့တာက အစပေါ့ဗျာ။ ကျုပ်က သူ့ကို တခါတရံမှ တွေ့တတ်ပေမယ့်… သူမလည်း မဆိုးပါဘူး ဆိုတာကိုတော့ အဝေးသင်ကဘော်ဒါတွေကို ပြောနေကြပါ။ အဲဒီမှာပေါ့… ကျုပ်ဘော်ဒါတွေ ဖြစ်တဲ့ အိတ္ထိယ (ဣိတ္ထိယ) ပါရဂူ ကိုသိန်းဇော် နဲ့ ကိုသောင်းကြည် တို့က သူမနဲ့တွေ့တိုင်း ကျုပ်ကိုယ်စား ရန်ကုန်လေနဲ့ ရိုက်ကြတာပေါ့။

ဒီလိုနဲ့ သူမက ကျုပ်ကို လေ့လာနေတဲ့အချိန်… ကျူ-ဝမ်း စာမေးပွဲ နောက်ဆုံးရက် ဖြေအပြီး လှည်းတန်းလမ်းဆုံမှာ အတူတူ လက်ဘက်ရည်ဆိုင် ထိုင်ကြပါတယ်။ ကိုသောင်းကြည်က မသိမသာ တစ်မျိုး… သိသိသာသာ တစ်ဖုံ ကျုပ်တို့နှစ်ယောက်ကို ဇွတ်တွန်းနေတဲ့အချိန် ကိုမောင်မောင်နိုင်ကြီး ရောက်လာပြီး “ကိုမိုးစံ ဒီနေ့ နောက်ဆုံးရက်လေ… တောင်ကြီးကို သွားကြမယ် ဆိုပြီး အမူအရာနဲ့သောက်မယ့်ပုံ လုပ်ပြကာ” အပြင်မှာပဲ မတ်တတ်ရပ်လို့ စောင့်နေပါတော့တယ်။ ကျုပ်ကလည်း“အိုကေ… သွားကြတာပေါ့” ဟု ဆိုကာ အားလုံးကို ချန်ထားရစ်လို့ နှစ်ယေက်သမား မလှမ်းမကမ်းမှာ ရှိတဲ့ “တောင်ကြီးစားသောက်ဆိုင်” ကို မြန်းကြပါတယ်။ အဲဒီအချိန်ထိ ကိုသိန်းဇော် နဲ့ ကိုသောင်းကြည်က မသောက်တတ်ကြသေးတာကြောင့် နေရစ်ခဲ့ကြပါတယ် (တကယ်တော့ ကိုသိန်းဇော်ကလည်း နောက်တစ်ယောက်ကို ကြံနေတယ်ဆိုတာ နောက်ပိုင်းကြမှ သိခဲ့ရတာပါ)။ ကျုပ်တို့ နှစ်ယောက်က ရမ် တစ်ပိုင်း မှာကာ ဝက်နံရိုးကြော်-မှိုကဇွန်း တို့နဲ့ ငြိမ့်လို့ နေကြတာပေါ့။

ကျုပ်တို့နှစ်ယောက် နောက်ထပ် ရမ်တစ်ပိုင်း မှာလို့ ခတ်ထွေထွေ ဖြစ်နေတဲ့အချိန်.. ကိုသောင်းကြည် ရောက်လာပြီး “ခင်ဗျား… တော်တော်မိုက်တဲ့လူဘဲ…၊ ကျုပ်တို့ အပြောကောင်းလွန်းလို့ ကောင်မလေးက ခင်ဗျားကို အမှတ်ပေးနေတာ ငါးဆယ်ရာခိုင်နှုန်းလောက် အိုကေနေပြီ…၊ အခုတော့ ခင်ဗျားရဲ့ ဒီနေ့လုပ်ရပ်ကြောင့် “ရှင်တို့လူက အရက်သမားပဲ” ဆိုပြီး ဇီးရိုး (သုံည) ပြန်ရောက်သွားပြီဗျာ…” လို့ မချိတင်ကဲ ပြောရှာပါတယ်။ တစ်ဆက်တည်းမှာပဲ ကိုမောင်မောင်နိုင်ကြီးကို “ခင်ဗျားလည်း အရိပ်အကဲ နားမလည်တဲ့ တော်တော် အသုံးမကျတဲ့လူ” လို့ ပြစ်တင်ကြိမ်းမောင်းပါတော့တယ်။ ကျုပ်ကတော့ ထွေထွေလေးနဲ့ ပြုံးကာ“ ဘယ်သူ့ကိုမှ အပြစ်မတင်ပါနဲ့ဗျာ…၊ အရက် သောက်တတ်တဲ့ လူတစ်ယောက်ကို အရက်သမားလို့ ထင်မှတ်ပြီး ငြင်းပယ်လိုက်တဲ့ သူမရဲ့ တုန့်ပြန်ချက်ကို ကျနော် ကျေနပ်ပါတယ်…။ မရှိတာကို အရှိဟန်ဆောင်၊ မချစ်တာကို အချစ်ဟန်ဆောင်လို့ … သောက်တတ်တာကို မသောက်တတ်ဟန်ဆောင်ကာ မိန်းခလေးတစ်ယောက်ရဲ့ မောတ္တာတရားကို ရယူဖို့ ကြိုးစားတဲ့ ယောက်ျားတွေထဲမှာ ကျနော် မပါဘူးဗျ…” လို့ ဆိုလိုက်ပါတယ်။ ကိုမောင်မောင်နိုင်ကတော့ မူးမူးနဲ့ လက်ခုပ်တီးလို့ ကျုပ်အဆိုကို ထောက်ခံနေလေရဲ့…။

တကယ်တော့ မိန်ခလေး တော်တော်များများဟာ သူတို့ရှေ့မှာ သူတို့ပြောသမျှ ခေါင်းငြိမ့်တတ်ပြီး ကွယ်ရာမှာ လုပ်ချင်ရာ လုပ်လေ့ရှိတဲ့သူကိုသာ အမှတ် ပိုပေးချင်ကြဟန် တူပါတယ်။ သဘောကျကြဟန် တူပါတယ်။ နောက်ပြီး ကျုပ်အထင် ပြောရရင် သူတို့ဟာ ယောက်ျားတစ်ယောက်ကို ဓမ္မဓိဌာန်ကျကျ အကဲခတ်လေ့ မရှိကြပဲ လတ်တလောအမြင်နဲ့ လက်ခံဆုံးဖြတ်တတ်ကြပါတယ်။ ကျုပ်တို့ဘော်ဒါ ငှက်ဖျားပါရဂူ ဗိုလ်အောင်သီ စကားကို ကိုးကားလို့ မိန်းခလေး တော်တော်များများဟာ “ မျက်စိတစ်မွှေးအဆုံး” ကိုသာ မြင်နိုင်စွမ်း ရှိသူတွေပါဟု ဆိုခဲ့ပါလျှင်…၊ ဆိုခဲ့ပါလျှင်…။

ကျုပ်ဘဝတစေ့တစောင်း(၅၂)

ကျူ-ဝမ်း စာမေးပွဲ ဖြေချိန်ရောက်တော့ အလုပ်ကနေ ခွင့် နှစ်ပတ်ယူလိုက်ပါတယ်။ စာမေးပွဲ မတိုင်မှီ တစ်ပတ်ကျော်ကျော်လောက်ကို နေ့ရော ညပါ စာအပြင်းအထန် လုပ်ခဲ့ပါတယ်။ ကျောင်းတက်ခွင့် ရစဉ်ကတည်းက စာတွေနဲ့ ရင်းနှီးမှုရှိအောင် နေ့စဉ် ပုံမှန် ဖတ်ခဲ့တာကြောင့်လည်း ကိုယ်လုပ်သလောက် ရခဲ့ပါတယ်။ မလုပ်လို့ကလည်း မရဘူးလေ။ ဒီအတန်းက ကျရင် ထွက်ရမယ်။ ထွက်ရရင် ဘယ်သောအခါမှ မဟာတန်း တက်ခွင့်မရနိုင်ပါ။ မဟာတန်း တက်ခွင့် မရရင် မဟာဘွဲ့ ဆိုတာ ဝေးပြီပေါ့။ မဟာဘွဲ့ မရှိရင် တက္ကသိုလ်ဆရာ ဖြစ်ဖို့ မလွယ်…။ တက္ကသိုလ်ဆရာ မဖြစ်ရင် ကျုပ်ရဲ့အိပ်မက်ထဲက ဇာတ်လိုက်ကျော် “နိုင်ငံခြားပြန် တက္ကသိုလ်ကထိကဆရာ ဒေါက်တာမြင့်နွယ်” ဖြစ်လာဖို့ကတော့ ဝေးသည်ထက် ဝေးပြီပေါ့။ ကျုပ်ဘဝနဲ့ အင်မတန် အလှမ်းဝေးကွာလှပြီး ဘယ်လိုမှ ဖြစ်မလာနိုင်တဲ့ ဒေါက်တာမြင့်နွယ် ဆိုတဲ့ ပုံရိပ်ကို စိတ်ကူးနဲ့ ရုးလို့ ပျော်ရွှင်ကြည်နူးခဲ့ဖူးပါတယ်။ တစ်ချိန်ထဲမှာပဲ အကယ်၍များ ကံကြမ္မာ မျက်နှာသာပေးလို့ အခွင့်အလမ်း ပေါ်ပေါက်လာခဲ့ရင် ကိုယ့်ဘက်က ပြည့်စုံနေဖို့ လိုအပ်တယ် ဆိုတဲ့အတွေးနဲ့ ကိုယ့်ကိုကိုယ် အတင်းအားပေးလို့ ကြိုးစားခဲ့ရတာပေါ့။

ထိုမှတစ်ဖန် အဝေးသင် ကျောင်းသားတွေ မျက်နှာမငယ်ဖို့အရေး ဇာတိစိတ်တွေ တက်ကြွလို့ ကြိုးစားကာ သက်သေပြလိုတဲ့ စိတ်တွေကလည်း ရင်နဲ့အပြည့် ရှိခဲ့ပါတယ်။ တကယ်တော့ တစ်ဆင့်စကား တစ်ဆင့်နားနဲ့ ကြားခဲ့ရတဲ့ “အဝေးသင်ကလာတဲ့သူတွေ မဟာတန်း တက်ဖို့ အဆင့် မမှီဘူး” ဆိုတဲ့ အချို့သော တက္ကသိုလ်ဆရာ-ဆရာမတွေရဲ့ ကောက်ချက်ချ ဆွဲယူမှု စကားသံတွေက ကျုပ်ရင်ထဲမှာ တိမ်မြုတ်နေတဲ့ လိုအင်ဆန္ဒခလုတ်လေး(Drive)ကို မထိတထိ နှိုးဆွ (Motivate) ပေးခဲ့တာပါ။ မညာတမ်း ဝန်ခံရရင် အဲဒီ နှိုးဆွမှုကြောင့် ဖြစ်ပေါ်လာခဲ့တဲ့ “ ငါတို့ အဝေးသင်ကလူတွေ မညံ့ဘူး ဆိုတာ သူတို့ လက်ခံလာနိုင်အောင် ပြရမယ်” ဆိုတဲ့ လိုအင်ဆန္ဒ (Desire)ဟာ တစ်စထက် တစ်စ ပိုပြီး ကြီးမားလာခဲ့ပါတယ်။ နောက်ဆုံး သူတို့ သိပ် အထင်ကြီးတဲ့ ဂုဏ်ထူးတန်းက ကလေးတွေထက် သာလွန်ရမယ် ဆိုတဲ့အဆင့်ထိ ရောက်အောင် တွန်းပို့ခဲ့ပါတယ်။

အမှန်က ဒါဟာ ရင်ထဲက ဖြစ်ပေါ်လာတဲ့ ဆန္ဒ သက်သက်ရယ်ပါ။ ဒီ ဆန္ဒကို ပြည့်ဝအောင် ဖြည့်စီးပေးနိုင်ဖို့ လက်တွေ့အကောင်အထည်ဖေါ်မယ့် လုပ်ဆောင်ချက် (Performance) က လိုပါသေးတယ်။ ဆန္ဒ နဲ့ လုပ်ဆောင်ချက် တစ်ထပ်တည်း ကျအောင် အကောင်အထည်ဖေါ်ဖို့ဆိုတာ မရေရာတဲ့ ဒီလောကကြီးမှာ အင်မတန် ခက်ခဲလှပါတယ်။ လူတွေဟာ ဆက်ဆံရေးသတ္တဝါ ဖြစ်တာနဲ့ အညီ မိမိနေထိုင်ရာ ပတ်ဝန်းကျင်နဲ့ သဟဇာတ ဖြစ်ဖို့ ကိုယ့်ဆန္ဒကို ရေစုန်မှာ မျှောကာ အလွယ်တကူ လိုက်ချင်ကြပေမယ့်… ခက်ခဲတဲ့ ရေဆန်ကိုတော့ ပြန်ကာ ဆန်မတက်ချင်ကြတာ ဓမ္မတာပါ။ လူသားထဲက လူသားတစ်ယောက်ဖြစ်တဲ့ ကျုပ်ရော ရေဆန်ကို ကန်လို့ ဆန်နိုင်ပါ့မလား..၊ ဆန်နိုင်ပါ့မလား…။